Saturday , June 8 2019
Home / Dharma / शिव भगवानले यहाँ काट्नुभएको थियो गणेशजीको शिर::पूरा थाहा पाउनु होस ।

शिव भगवानले यहाँ काट्नुभएको थियो गणेशजीको शिर::पूरा थाहा पाउनु होस ।

काठमाडौँ : यो गुफाको नाम पाताल भुवनेश्वर हो र यो भारतको उत्तराखण्डमा रहेको पिथौरागढ जिल्लामा छ । खतरनाक पहाड र घना जंगल पार गर्दै यहाँ पुग्न सकिन्छ ।

समुद्र सतहभन्दा एक हजार ६ सय ७० मिटरको उचाईंमा रहेको यो गुफा अल्मोडाबाट २२० किलोमिटर टाढा खतरनाक पहाडहरूको बीचमा छ ।

गुफाबाहिर मन्दिर छ र त्यहाँका पुजारी हुन् नीलम भण्डारी । गुफामा अक्सिजनको कमी छ र सासको समस्या हुने मानिसले कुनै हालतमा त्यहाँ पस्न हुँदैन ।

नब्बे मिटर गुफामा ओर्लनका लागि ८८ वटा सिँढी छन् । गुफाका भित्तामा पानी चुहिने भएकाले सिँढी चिप्लो छ । गुफामा प्रवेश गर्नका लागि तीन फीट चौडा र चार फीट लामो मुख छ । मान्यताअनुसार यहाँ श्रद्धापूर्वक आउने व्यक्ति मात्र पस्न सक्छ ।

स्कन्द पुराणको मानसखण्डको १०३ अध्यायमा यो गुफाको उल्लेख छ । पुराणमा लेखिएअनुसार भगवान् शिवले गणेशजीको शिर यही गुफामा उडाइदिनुभएको थियो । पार्वतीको रक्षा गर्न खटिएका गणेशजीले शिवजीलाई गुफाभित्र प्रवेश गर्न नदिएपछि रिसाएर श्रीमहादेवले शिर काटिदिनुभएको थियो ।

गुफाका पुजारी नीलम भण्डारीले अयोध्याका राजा ऋतुपर्णले यो गुफाको खोज गरेका हुन् । उनी भगवान् शिवका परमभक्त थिए ।

ऋतुपर्णको साम्राज्य आजभन्दा ६ हजार सात सय ३६ वर्षअघि थियो । वैशाख जेठमा यो गुफामा भक्तजनको भीड लाग्ने गर्छ

Comments